Kurmanced Elegeze

Novela Kurmancêd Elegezê sala 1936'an li Yêrîvanê bi tîpên Latînî ên wê demê hatiye çapkirin. Weşanxaneya me wekî gelek berhemên Kurdên Kafkasyayê ev berhem jî restore kir û pêşkêşî xwendevanan dike. Kurmancêd Elegezê çend rêzikên ji jîyana Ereb Şemo û destpêka desthilatdarîya Yekîtîya Sovyetan e. Em di vê berhemê de jî Mistoyê Jîyana Bextewar û Hopoyê dibînin. Dem jî ew dema ku rêveberîya Yekîtîya Sovyetan dike û dixwaze pergala xebata kolxozan li deverên di bin desthilartdarîya xwe de bi cî bike ye. Ereb Şemo dîsa wekî Jîyana Bextewar û Hopoyê xwe ji bûyeran bêrî kiriye û ji dêvila xwe Misto kiriye sergovendîya vê berhemê ku em zanin Misto ew bi xwe ye.